Наместо да се користат само како практични додатоци за време на студените денови, разни верзии на шалови околу вратот се носеле поради стилски причини, бонтон, но и воени потреби.
За време на триесетгодишната војна во 1630 година, платени војници од Хрватска, Унгарија и од Босна се претставиле пред кралот Луј XIII од Франција со шарени шалови околу вратот како дел од нивната униформа. Војниците од понизок ранг носеле памучни марами, додека офицерите имале шалови направени од скапа свила. Французите биле импресионирани од тие детали и брзо ги усвоиле, заменувајќи ги своите крути јаки.
Во 18 век Французите ги нарекувале деталите за вратот „крават“ (cravats), па се верува дека оттаму доаѓа зборот „краватa“.
Една од најраните употреби на шаловите доаѓа од древна Кина, каде што различните бои на еден шал означуваат различни чинови во војската. Тие детали се наоѓаат на скулптурите на кинеските воини што датираат од околу 1000 година пр. н.е.
„Фокале“ (Focale) беше важен дел од облеката што ја носеа римските војници. Изработена од волна или лен, оваа марама имаше двојна намена. Таа служеше како заштитник на вратот од иритацијата предизвикана од оклопот, но и како извор на топлина. Вообичаено била прикажана како лежерно врзана на предната страна, што ја правело препознатлив дел од униформата на римските војници, што може да се види и на некои монети од тоа време. Овој детаљ е прикажан и на релјефната скулптура на пристаништето на Септимиј Север во Римскиот форум и на Трајановиот столб.
Како што минувало времето, шалот еволуирал од практичен предмет во моден додаток. Наполеон Бонапарта наводно на својата прва сопруга Жозефина ѝ подарил луксузен шал од кашмир од Индија. Се верува дека приближно во тоа време третиот војвода од Краков го направил првиот плетен шал. Сепак, шалот стана симбол на елеганција и социјален статус за време на владеењето на кралицата Викторија во 19 век. Полуксузен шал значел побогата личност, а начинот на кој бил врзан имал социјални и статусни импликации во тоа време.
Првата светска војна ја потврди корисноста на шаловите во гардеробата. Плетењето се сметало за „патриотска должност“ и на војниците им биле испратени тони шалови, ракавици и чорапи. Од друга страна, пилотите носеле бели свилени марами за да избегнат иритација околу вратот.
Денес шаловите се незаменлив дел од гардеробата, а светскиот пазар на луксузни шалови постојано расте. Според најновиот извештај на „Когнитив маркет рисрч“ (Cognitive Market Research), глобалниот пазар на луксузни шалови се очекува да достигне вредност од 1.663,08 милиони американски долари до 2028 година, со очекувана стапка на раст од 6,1 проценти од 2023 до 2030 година. Врзувањето шал можеби изгледа едноставно, но не е секогаш лесно да се постигне тоа со стил...
Погледнете го видеото што открива три класични начини како да бидете и стоплени и стилизирани оваа зима.
.webp){kind=icon}
Во моментов нема коментари за веста. Биди прв да коментира...