Македонската деловна заедница во вторник (29.10.2024) ќе има единствена можност да присуствува на конференција на „Блумберг Адрија“ во Скопје - Back to Business: Економски потенцијал и развојни можности за Македонија.
Со помош на реномирани говорници од земјава и од регионот на конференцијата ќе се обидеме да дадеме одговори на повеќе суштински прашања поврзани со македонската економија, меѓу кои: Колкав е потенцијалот за раст на Македонија? Каков квалитет треба да има тој раст и кој ќе го движи во иднина? Од што ќе биде условен? Како да го одржуваме долгорочно? Дали реалниот сектор држи чекор со напредокот на финансискиот сектор и како иновациите и технолошкиот напредок создаваат нова слика на овој простор?
Блумберг Адрија
Дополнително, во текот на неделата анализираме како евентуалната нестабилност на пазарот на енергенти може да влијае врз работењето на македонските компании. Имено, климатските промени носат поекстремни временски услови, кои, според прогнозите на метеоролозите, годинава ќе се манифестираат преку ниски температури во текот на зимата, кои би можеле да паднат под повеќегодишниот просек. Извесно е дека ниските температури ќе го стават на испит нормалното снабдување со енергенти, чија цена дополнително може да се дестабилизира од засилување на геополитичките тензии, за кои се покажа дека имаат големо влијание врз цените на струјата и на гасот и воопшто врз економијата.
Откриваме кои зимски гуми добија најдобри оценки во тестот на германскиот автомобилски клуб АДАК. По рекордниот пораст на цената на златото, анализираме што може да се очекува во иднина односно дали растот има граници.
Истражуваме каква кредитна политика имаат македонските банки за различни категории граѓани, со посебен осврт на условите што ги нудат за кредити за пензионерите.
.webp){kind=icon}
